Tuesday, January 25, 2011

ስንብት

ስንብት ጥሩ ነው።
ካልተሰናበቱ
ካልሄዱ ካልራቁ፣
ሌላ አገር ሌላ ሰው ካላጠያየቁ፣
ሌላ ካል’ለመዱ፣
ባዩት ተደስቶ
ለዚያው ተጣጥሮ በዚያው መወሰኑ፣
አይናፋርነት ነው ለሕይወት መቅለስለስ፣
ያው በሻ ጉራ በባዶ መኮፈስ።

ስንብት ጥሩ ነው።
“በቃ ደህና ሁኑ፣
እንግዲህ ደህና ሁኝ፣
እንገናኛለን እግዜር ያለ ለታ፣”
አልያም ታልፈቀደ፣
ዞረን ዞረን ካገር፣
ኖረን ኖረን ታፈር፣
አናመልጥምና፤
ተላይኛው ሥፍራ ተጥንቱ ቤታችን፣
ተብናኙ አፈር ተጥንቱ አካላችን፣
ዞረን ስንጋጠም፣
ዙረቱ ሲያከትም፣
ለሌላ ስንብት መሄጃ ስናጣ
ብናዝን ብንደሰት ታንዱ ቤት ላንወጣ፣
ክትት ስብስብ ልንል ተዘላለሙ ቤት፣
እንገናኛለን በዚያች በእግዜር ሰዓት።

(ፌብሩዋሪ 7/2001፤ በርሊን፤ ጀርመን)

5 comments:

Anonymous said...

ያው ያበሻ ጉራ.... በባዶ መኮፈስ።

በ [ሰው]ታሪክ መኩራት ....
ድንግይ ላይ ተቀምጦ የማይሰራ ስራ
በ ሰው ታሪክ መኩራት
ድንግይ ላይ ተቀምጦ የማይሰራ ስራ
ከንግዲህስ ይብቃ ይህ ያበሻ ጉራ

Anonymous said...

wow! SO cool. I didn't know your are such a poemer

Anonymous said...

ወዴት ነው ሰንብት ወዴት ወደ ኋላ
ምንም ባይጠቅመንን ባይሆነንም ጉራ
ማ'ቃናት ነውጂ ቢሆንልን በመምከር አልያም በተግሳጽ ታልሆንም በ ዱላ (lol - የመከራ ዱላ)
ከዛ በተረው ችግርህ(ሽ) ችግሬ ነገርህ(ሽ) ነገሪ ብሎ መቀበል ነው ከፈጣሪ ጋራ::

netsi said...

Grum dinq biyalehu ante Ethiopiyawi!!! It's courage to leave our comfort zone and explore the world. Christians ain't chicken :)

Anonymous said...

ስንት ጥበበኛ ሰው አለ በናታችሁ...ግሩም ነው..

Blog Archive