Friday, January 7, 2011

ወፍ

(ኤፍሬም እሸቴ፤ መስከረም 29/1993 ዓ.ም፤ አዲስ አበባ)
የትኛው ቀበሌ የትኛው ወረዳ፣
ከየትኛው ቤት ነሽ ከየትኛው ጓዳ፣
አድራሻሽስ የት ነው መኖሪያ መንደርሽ?
አንቺን የሚፈልግ የት ነው የሚያገኝሽ?
ወጉ እንዳይቀርብሽ ቤትም ትሰሪያለሽ፣
ስንጥሮች ለቃቅመሽ አበባ ሰብስበሽ።
ወረዳ ባያውቅሽ ቀበሌ ቢረሳሽ፣
መዝገብ ባያሰፍርሽ ቁጥር ቢዘነጋሽ፤

"ከመ'ጤፍ" ቢቆጥሩት መወለድ መሞትሽን፣
ከቁብ ባያስገቡት መብረር ማረፍሽን፣
ወፊቱ ሕያው ነሽ ቤት ቤተሰብ ያለሽ።
ቤትሽስ አይደለም እኔን የሚያስቀናኝ፣ ከስንጥር ካበባ የወነካከርሽው፤
ዝማሬሽም አይደል፣ በማለዳ ግርማ ቀልብ የሚሰውረው፤
ሁሌ የምናፍቀው፣  ብርርርርርርርርርር … ማለትሽን፣
ነፃነት . . . ነፃነት . . . . ነፃ. . . ነትሽን ነው።

4 comments:

Anonymous said...

Betam Dese Yelale,Enenm Yeminafkegi Ye transport Satetyek Be Netsa Mebrerua aydel. Thankyou Dn.Ephrem

Anonymous said...

"ከመ'ጤፍ" ቢቆጥሩት መወለድ መሞትሽን eheee....

Anonymous said...

wow!!!!!!!!!!!!!!!

Anonymous said...

Nothing as freedom

Blog Archive