Saturday, February 26, 2011

ጥያቄና መልስ

ሲሉኝ ሲጠይቁኝ፤
ከወዴት አገር ነህ ከየትኛው ሥፍራ፣
ከየትኛው መንደር ከየትኛው ጋራ፣
እስቲ ስላገርህ፣
ንገረን እባክህ?

የትኛውን ልጥቀስ የትኛውን ብዬ፣
የትኛውን ላንሣ የትኛውን ጥዬ፣
የትኛው ይሻላል ከየቱ ልነሣ፣
የቱን ላስታውሳቸው የትኛው ይረሣ?


ስለዘሩ ብዛት፣
ስለ ቋንቋው ዓይነት፣
በልዩነታችን፣
ስለማጌጣችን?
ስለተቀደሱት ስለ መካናቱ፣
ስለ ጨዋው ሕዝቤ ወንጌልን በተግባር ስለ ገለጡቱ፣
በጨለማው ዘመን የአኩሱምን ሐውልት ስለቀረፁቱ፣
ዓለቱን ፈልፍለው ስለገደሙቱ፣
ወይስ ስለ አድዋ ዶጋሊ መተማ፣
ስለነዚያ ጀግኖች ከጠላት ተናንቀው ስለ ወደቁቱ?

ወይስ ስለ ምግቡ እንጀራና ወጡ፣
ጨጨብሳና ቁርጡ፣
ክትፎና ዝልዝሉ፣
ካቲካላ ብርዙ?

አልጨርስ ቀድቼ ከዚህ ሰፊ ባሕር፣
ለነርሱም አይገባ ብጽፈው ብናገር።

ስለ ጦርነቱ፣ ድርቁና እልቂቱ፣ ጫፉን ላሳያቸው?
ያኔ ነው ኢትዮጵያ የምትመጣላቸው።

(ፌብሩዋሪ 1/2001፣ 
2፡40 ፒ.ኤም፤ ጀመን)



11 comments:

Mahlet (እሚ) said...

Awesome awesome Ababaye
ስለ ጦርነቱ፣
ድርቁና እልቂቱ፣
ጫፉን ላሳያቸው፣
ያኔ ነው ኢትዮጵያ የምትመጣላቸው።

Anonymous said...

ስለ ጦርነቱ፣
ድርቁና እልቂቱ፣
ጫፉን ላሳያቸው፣
ያኔ ነው ኢትዮጵያ የምትመጣላቸው።

this is what I always observe in my office .

Anonymous said...

ነጻነት ማወጇ ባደባባይ ወጣ፤
መምድራዊ ቅምር ሰጧት ይሄን ቁጣ።
thank you very much.

nani said...

Really really nice. Thank you

Anonymous said...

ቆንጆ ቆንጆ,thank you

መብሩድ said...

ግራው እጇን ለምጽዋት
ቀኙን ለአምልኮት
አንድ እግሯን ለስፖርት
ሌላውን ለስደት።
ስትዘረጋ ነው
የምትታያቸው
ታላቋ አይሳኦቢያ
ለታናሿ እስያ
ሌላውን ሆድ ይፍጀው

Anonymous said...

wey ababa

Anonymous said...

ወንደሜ ኤፍሬም የትኛውንም አትርሳ እውነት የሆነውን ሁሉ እውነት ነውና ንገራቸው በርግጥ የእነሱ እውነት የሚገኘው በቴሌቭዥን መስኮት ነውና አይቀበሉህም ይሆናል ነገር ግን ፀበል የፈለቀበትን የቅዱሳን አጽም ያረፈበትን መናንያኑ የሚኖሩበትን ጠባቂዋም ማን እንደሆነ ያዩ ዘንድ በአካል መጥተው ምድሯን ይረግጡ ዘንድ ንገራቸው የትኛውንም አትርሳ ኢትዩጵያዊ ነኝ በላቸው

ከአቡዳቢ

Anonymous said...

ዲ. ኤፍሬም፡- በእውነት ውብ ግጥም ነው (እነሆ ግጥምን ለማወደስ ውብ ማለት በትችት ሰኮና ሰኮናን የማያስቀፀቅፀፅ ከሆነ፡፡)

Anonymous said...

ጫፍ አታሳያቸው

እርሱም እኮ ቢሆን፥ አይደለም ስጦታ፣
የተሠፈረልን፥ ከቸርነት ጌታ፡፡

ባገር አሳሽነት፥ ወይም በሚስዮን፣
አለያም በቆንሲል፥ ወይምንም ቱርጁማን፣
ተኩላ ለምድ እንዲለብስ፥ ጅብም ቁርበትን፣
በእንደዚህ ስልት ነው የተገባብን፡፡

ከላይ ተንደርድረው፥ ቁልቁል እስከ ደቡብ፣
ፀሐይ መውጫን ይዘው፥ አግድም እስከ ምዕራብ
እንደ ቆፍጣናው ሰው፥ ሲራራ ነጋዴ፣
ሲችሉ በርምጃ ሲቀልጡ በዳዴ፣
አስሰው ያዩትን፣
አይተው የጎመዡትን፣
የገጸ ምድር ሲሳይ፣
የከርሰ ምድር ንዋይ፣
ሃይ ባይ በሌለበት፥ አጋፈው ሊወስዱ፣
እልቂት ጦርነትን፥ ጋሬጣ አሰናዱ፡፡

ረሃብ ምንድነው? መዝራት ከተቻለ፣
ወጥሮ ለሠራ፥ ድህነትም የለ፡፡
ግና የቸገረን፥ ሳይሆን የተፈጥሮ፣
አልፈታን ያለው፥ የእነርሱ ቋጠሮ፡፡

ተስፋዬ

zed said...

Dn tsefayie really u are a wonderful writer in every corner.thanks a lot for your poem and its message