Tuesday, March 1, 2011

ሥጋዬ

ዕዳህ ለእኔ ዕዳ፣
ዕዳህ ለእኔ ፍዳ፣
ደስታህም ሀዘን፣
ሀዘንህም ሀዘን፤

ሲደላህ ስትርቀኝ፣
ስታጣ ስትቀርበኝ፣
ያንተ ባጣ ቆየኝ፣


እኔ ለእኔ ሳልኖር፣
ላንተ ስውተረተር፣

አበድሬህ እግሬን፣
ተውሼ ጉንድሽክን፣

እኔ ተድበክብኬ ስትሮጥ እመር ብለህ፣
እጄን ስዘረጋ ከጥልቁ ላወጣህ፣
አንተ ጤና ላትሆን እኔ ታምሜልህ፣

ቀን አልፎ ቀደመ ዕድሜዬንም ኖርከው
ያንተን አላተረፍክ የኔንም ከሰርከው
ያንተን ዘመን ገፍተህ የኔንም ገደልከው።

7 comments:

ተስፋብርሃን said...

ቃለ ሕይወት ያሰማልኝ ውድ ወንድሜ በጣም ጥሩ መልዕክት የምታስተላልፍ ግጥም ናት በርታ እግዚአብሔር ጥበቡን ያብዛልህ

Anonymous said...

Engdih gin yibkah kejerbay wured
Antem nur nurohin enim lingedaged

10Q Efrim

Anonymous said...

Great message!!!!!!

Andualem said...

very nice poem so continue.............

Anonymous said...

great message

ወደ ጥንተ ተፈጥሮ መልስ said...

ክብር ለሥጋዬ
ነፍስ እንዲህ ብላ ሥጋን አመሰገነቻት፡፡ ሥጋዬ ሆይ እኔ ብቻ ሳልሆን መላእክትም አንቺን እጅግ ያከብሩሻል ያፈቅሩሻልም፡፡ ምክንያቱም በአንቺ ነውና ፈጣሪያቸውን ማየታቸው፡፡ እግዚአብሔር ቃል ሥጋን ባይለብስ ኖሮ እንዴት ያዩት ነበር? እኔ ነፍስ ከአንቺ የነሳውን ሥጋ አንቺው በመመገብ ባንቺ ምክንያት ሕያው ሆንኩበት፡፡ እርሱ በእኔ እኔም በእርሱ እንድኖር ምክንያቱ አንቺ ነሽና ሥጋዬ ሆይ አመሰግንሻለሁ፡፡ በእውነት አንቺ ሥጋዬ ባትኖሪ ኖሮ የኃጢአት ፈቃድ ከእኔ መንጭቶ ተጎሳቁዬ በዚህች በስደት ዓለም በሰይጣን እየተጠቀጠቁሁ ለዘለዓለም በመኖርኩ ነበር፡፡ አምላክ ግን አንቺን አፈቀረሽ፡፡ አንቺንም ቤተመቅደሱ አደረገሽ፡፡ ለዘለዓለም መመለኪያውም አደረገሽ፡፡ አንቺን በመልበሱ ምክንያት ፍጥረት ሁሉ ፈጣሪያቸውን አዩ ለእኔም በአንቺ ሕይወትን አገኘሁ፡፡ ሚስቴ ሥጋዬ ሆይ!! አንቺን የሰጠኝን አምላክ ስለዚህ በጎ ቸርነቱ ሁሉ አመሰግነዋለሁ፡፡ ዘወትር በአንቺ ያገኘሁትን መዳን እያሰብኩ እባርክሻለሁ፡፡ ስለዚህም አንቺ ጌታሽን ትመስዬ ዘንድ ስላንቺ ቀን ከሌት እተጋለሁ ምክንያቱም ለመዳኔ ባለውለታዬ ነሽና፡፡ አለች ነፍስ!!ዲ/ን ሽመልስ መርጊያ

Anonymous said...

ክብር ለሥጋዬ
ነፍስ እንዲህ ብላ ሥጋን አመሰገነቻት፡፡ ሥጋዬ ሆይ እኔ ብቻ ሳልሆን መላእክትም አንቺን እጅግ ያከብሩሻል ያፈቅሩሻልም፡፡ ምክንያቱም በአንቺ ነውና ፈጣሪያቸውን ማየታቸው፡፡ እግዚአብሔር ቃል ሥጋን ባይለብስ ኖሮ እንዴት ያዩት ነበር? እኔ ነፍስ ከአንቺ የነሳውን ሥጋ አንቺው በመመገብ ባንቺ ምክንያት ሕያው ሆንኩበት፡፡ እርሱ በእኔ እኔም በእርሱ እንድኖር ምክንያቱ አንቺ ነሽና ሥጋዬ ሆይ አመሰግንሻለሁ፡፡ በእውነት አንቺ ሥጋዬ ባትኖሪ ኖሮ የኃጢአት ፈቃድ ከእኔ መንጭቶ ተጎሳቁዬ በዚህች በስደት ዓለም በሰይጣን እየተጠቀጠቁሁ ለዘለዓለም በመኖርኩ ነበር፡፡ አምላክ ግን አንቺን አፈቀረሽ፡፡ አንቺንም ቤተመቅደሱ አደረገሽ፡፡ ለዘለዓለም መመለኪያውም አደረገሽ፡፡ አንቺን በመልበሱ ምክንያት ፍጥረት ሁሉ ፈጣሪያቸውን አዩ ለእኔም በአንቺ ሕይወትን አገኘሁ፡፡ ሚስቴ ሥጋዬ ሆይ!! አንቺን የሰጠኝን አምላክ ስለዚህ በጎ ቸርነቱ ሁሉ አመሰግነዋለሁ፡፡ ዘወትር በአንቺ ያገኘሁትን መዳን እያሰብኩ እባርክሻለሁ፡፡ ስለዚህም አንቺ ጌታሽን ትመስዬ ዘንድ ስላንቺ ቀን ከሌት እተጋለሁ ምክንያቱም ለመዳኔ ባለውለታዬ ነሽና፡፡ አለች ነፍስ!! ዲ/ን ሽመልስ መርጊያ