Tuesday, January 17, 2012

ከተማ እና እሳት

READ IN PDF.
ከሰሞኑ ሪፖርተር ጋዜጣን ሳነብ የአቧሬ ገበያ መቃጠልን የሚያትተውን ዜና አገኘኹ። “ኅሣሥ 9 ቀን 2004 .. ከዕኩለ ሌሊት በኋላ ስምንት ሰዓት ከአርባ አምስት ደቂቃ ላይ መነሻው ለጊዜው ባልታወቀ ምክንያት” የተነሣው እሳት የንግድና የመኖሪያ ቤቶችን “ዶግ-አመድ እንዳደረጋቸው”፣ እሳት አጥፊዎች እሳቱ በተነሣ በስድስት ደቂቃ ውስጥ መድረሳቸውን ነገር ግን “ውኃ የለንም” ብለው እሳቱ አገሩን ሲያጠፋ አብረው ከሕዝቡ ጋር መታዘባቸውን (እሳቱን መሞቃቸውን?) ዘግቧል። በዚህም በዚያም ብቻ አቧሬ ገበያ የእሳት ራት መሆኗን አርድቶኛል። ‘ዶግ አመድ’ አደረጋቸው ስል በደስታ ልቤ ጥፍት ያለ እንዳይመስልብኝ ፈራኹ። ከሪፖርተር እንደወረደ ለመጥቀስ ነው የወሰድኩት። አይ አማርኛ።

Tuesday, January 3, 2012

የሚጽፉ ጣቶች - የሚያነቡ ዓይኖች

(ኤፍሬም እሸቴ/ READ IN PDF):- የአዲስ ጉዳይ መጽሔት ዋና አዘጋጅ ዮሐንስ “የመጽሔቷ አምስተኛ ዓመት እንደሚከበር በኢ-ሜይል ሲያስታውቀኝ እና ምናልባት መልእክት አለኝ እንደሁ ሲጠይቀኝ ወዲያዉኑ ሐሳቤን ሰብስቤ በአጭር አማርኛ ለማስቀመጥ ቀላል ሆኖ አላገኘኹትም ነበር። በደፈናው “አዲስ ጉዳይ - እንኳን አደረሰሽ፣ እኛንም እንኳን አደረሰን” ማለቱ ክሊሼ እየሆነብኝ በመጀመሪያ መላውን የአዲስ ጉዳይ የመጽሔቷን ቤተሰቦች እንኳን አደረሳችሁ ብዬ ጀመርኩና ለሚቀጥሉት ዓመታትም እንዲሁ በሰላም እያደረሰን በተመሳሳይ መልኩ “የመጽሔት በዓል” ለማክበር ያብቃን” ስል አከልኩበት። አዲስ ጉዳይ ለብዙ አንባቢዎቿ ትርጉም ያለው የዕውቀት ብርሃን እየፈነጠቀች እንደሆነ ሙሉ እምነት አለኝና ዕውቀት ፈንጣቂ መጽሔቶች እንደ ልብ በማይገኙበት እንደ ኢትዮጵያ ባለው አገር የአዲስ ጉዳይ አምስት ዓመት መቆየት ትልቅ ትርጉም እንዳለው ለመግለጽ ሞከርኩ።