Tuesday, February 26, 2013

ለምን?



ለምን ይኼ ሆነ - ለምን ያ አልኾነም፣
ለምን እንዲህ ሆንን - ለምን እንዲያ አልሆንም፣
ጥያቄ ጥያቄ ዛሬም እንደ ትናንት፣
መልሱ ላያረካ - ጠብ ላይል ካንጀት፣
ለምን ይሉት ቋንቋ - ለምን ይሉት ነገር፣
ፍጻሜ የሌለው - የጥያቄ ክምር፣
“ለምንድነው አንበል …” ቢልም ባለቅኔው፣
የሚሰማው ሳይኖር ይጠየቃል ይኼው።

(ኤፍሬም እሸቴ፤ ፉብሩዋሪ 25/2013፤ ሲልቨር ስፕሪንግ፣ ሀገረ ማርያም - ሜሪላንድ)
(READ IN PDF)
ማስታወሻ፦
ባለቅኔው የተባለው “ለምንድነው አንበል ለምን ምክንያት” እያለ የሚሔደውን የገጣሚና ፀሐፌ ተውኔት  መንግሥቱ ለማን ግጥም በማስታወስ ነው። ሙሉው ግጥም ያለው ቢያስነብበን ይመሰገናል።

 

የለምን ለምን …

(ደበበ ሰይፉ፣ 1961 ዓ.ም። )

ነፋሱ፤ ሣር ቅጠሉን አዋከበው፤
ሞገዱ፤ ባሕሩን አናወጠው፣

ምንም የለ ‘ሚታወሰኝ፣
ድንገት እንጅ ሆድ የባሰኝ፣።

ለምን አልኩኝ ተጨብጨ፣
እንባዬን ባፌ መጥጨ፣
ሳውቅ ጥያቄ መልስ እንዳይሆን
የለምን ለምን ለምን ሊሆን?!

 

4 comments:

Anonymous said...

ውድ ኤፍሬም ያኛውን እስክናገኝ በዚህኛው ግጥማቸው ለምን ኣናዘግምም===>

የወንድ ልጅ ያለህ

የዘመኑ ወጣት ጦልጡኣላው ፈላስማ
ልበ ጣፊያ ሁሉ
ወኔው የተኛበት መንፈሰ ደካማ
ኤርፃ_ኪትን ሰምቶ አማትቦ ጻለየ
ወፎቹን ኣላየ፡ ንቦቹን ኣላየ፡ ዝምቦቹን ኣላየ፧
ከሾላ ስር ኣርፎ የሚመራመር
እጅና አግሩ ታስሩኣል በሽረሪት ድር፡፡



ድሮ በጊዜያቸው፡
ዘንድሮ ነበሩ ኣምናና ካቻምና
ከርሞም ዘንድሮ ነው ወንዱ የለምና

Anonymous said...

ኤፍሬም ጻፍ እንጅ! ምነው ደከመህ እንዴ?… እኛ እናነባለን፡፡

Anonymous said...

ኤፍሬም ጻፍ እንጅ! ምነው ደከመህ እንዴ?… እኛ እናነባለን፡፡

Oliver Jones said...


What i don't realize is in fact how you are now not actually much more smartly-preferred than you may be now. You are so intelligent. You realize therefore considerably in terms of this topic, produced me in my opinion imagine it from numerous varied angles. Its like women and men are not fascinated until it is one thing to accomplish with Girl gaga! Your individual stuffs nice. All the time care for it up! craigslist colorado springs