Thursday, July 10, 2014

“ፖለቲካ ውስጥ አትግባ” የምትባል ፖለቲካ!!!!!!!

አዲሱ የእኛ አገር ፖለቲካ ሰውን “ኧረ ፖለቲካ ውስጥ አትግባ” የምትባል ፖለቲካ ናት። እንዲህ ለሚሉ ሰዎች ትክክለኛውን ምላሽ ለማግኘት ብዙ ጊዜ ቆዝሜያለኹ። አሁን እንኳን በዚህች መሸዋወድ የለም። በነገራችን ላይ፤ ፖለቲካ ውስጥ እንዳትገባ የሚነግሩህ ማንነትህን በሚመጥን መልክ ነው።
1. ሃይማኖተኛ ከመሰልካቸው፣ ለዚያ የሚስማማ ጥቅስ እና አባባል አዘጋጅተዋል።
2. “ምሁር ነገር” ከመሰልካቸው ምሁርነት ከአገራችን ፖለቲካ በላይ በመሆኑ ራስህን በዚያ ውስጥ እንዳታቆሽሽ ያስጠነቅቁሃል።
3. ንግድ ላይ ካለህ በፖለቲካ መነካካት ሊያመጣ የሚችለውን መአት ያመለክቱሃል።
4. ዳያስጶራ ብትሆን አገር ቤት ያሉ ዘመዶችህ ላይ ሊመጣ ያለውን ችግር ያመለክቱሃል፤ ራስህም ብትሆን እዚያችን አገር ድርሽ እንደማትል ያስጠነቅቁሃል።

ፖለቲካ በተለይ የፓርቲ ፖለቲካ ውስጥ እንዳልገባህ ስለምታውቀው “እኔ ፖለቲካ ውስጥ አልገባሁም” ብትላቸው ከቻልክ ዝም ማለት፣ ካልቻልክ መንግሥትን መተባበር እንጂ እንኳን ሌላ ነገር “የመንግሥትን ጭካኔ እንኳን መቃወም” መጥፎ ፖለቲካ መሆኑን ይነግሩሃል።
የእነርሱ ደጋፊ ብትሆንስ? እሱ ፖለቲካ ውስጥ መግባት አይደለም። ሃይማኖተኛ ከሆንክ መንግሥትን መደገፍ ማለት “እግዚአብሔር የሾመውን ማክበር” ነው ትባላለህ። ምሁር ከሆንክ “የማንም ደጋፊ ሳትሆን ሚዛናዊ ሰው ነህ ማለት ነው፤ ወይም የአገር ልማት ደጋፊ” ትባላለህ። ነጋዴ ከሆንክ “ልማታዊ ነጋዴ” ትባላለህ። ዳያስጶራ ከሆንክ “የኢትዮጵያን ዕድገት የሚናፍቅ፣ አገራችን እኮ አደገች” ባይ ትባላለህ።
ስለዚህ አዲሱ ፖለቲካ “ፓለቲካ ውስጥ አትግባ” ናት።    

8 comments:

Anonymous said...

Those who say don't enter politics are liars. They want the truth, but expect others to speak for them. They want justice, but they also want others to pay the sacrifice. They are free riders. It's is immoral to call these people religious or intellectuals.

Qesis said...

Why short the article?

ECADF said...

ወዳጄ ከምኑም እንዳይወግን መንፈሱንም ወኔዉንም ጭምር የሰለቡትን ምን ይሉታል መሰለህ? "ሰላማዊ ሰው" ። ይቺ ነች ይኸዉልህ ያደረች ያፈጀች እዉነትን የሸሸች የመሸወጃ ሽፋን።ብቻ እዉነት እና ንጋት እያደር መጥራቱ ደግ ነዉ አሉ እማማ አስካለች።

Anonymous said...

ወዳጄ ከምኑም እንዳይወግን መንፈሱንም ወኔዉንም ጭምር የሰለቡትን ምን ይሉታል መሰለህ? "ሰላማዊ ሰው" ። ይቺ ነች ይኸዉልህ ያደረች ያፈጀች እዉነትን የሸሸች የመሸወጃ ሽፋን።ብቻ እዉነት እና ንጋት እያደር መጥራቱ ደግ ነዉ አሉ እማማ አስካለች።

Anonymous said...

ወዳጄ ትክክል ብለሃል እነርሱ እንደውም የሚፈልጉት በክፉ እንድንተባበራቸው ነው ።መሸማቀቅም ዋና ባህሪያችን እንዲሆን ።

Anonymous said...

POLITICS WUSIT MEGBAT GIDETA NEW ENDE

Adebabay A said...

Dear anonymous,
Here you go as answer:

"I don’t have the luxury of being apolitical" Elif Şafak / Elif Shafak, a Turkish writer

አዲስ አለም said...

ሰው እየሞተ 'ሰው ሞተ' ብለህ አትናገር፤ሰው እየተራበ' ሰው ተራበ 'ብለህ አትናገር-----ብሎ ክርስትና አይገባኝም ።ስለ ሰው ከመናገር ስለ ሰው ከመሞት በላይ ክርስትና የለም። ትምህርት ቤት ሊማር የሚሄድ ህጻን በጥይት ሲደበደብ እያዩ አለመናገር ክርስትና ሊሆን እንዴት ይችላል?
ልክ ነህ ለወገኔ ይጠቅማል ሳትል ስለእውነት ተናገር።ስሙ ፖለቲካም ሆነ ክርስትና አያሳስብም ስራው ግን የክርስትና አንዱና የመጀመርያው ነው።ሰውን መውደድ