Tuesday, July 22, 2014

የመረረውን እውነት በቅጡ ማቅረብ

ችግራችንን በትክክል መግለጽ እንልመድ!!!!
እንዲያው ይኼ የአገራችን ፖለቲ………ካ!!!! የምሬት ንግግር። በጣም በብዙ ሐበሻ አፍ የማትጠፋ ምሬት። ልክ ጥፋቱ የሆነች ፖለቲካ የምትባል የኮምፒውተር ቫይረስ የመሰለች በሽታ አገራችንን ያበላሸችው ይመስል። ከዚያ ለጥቆ ደግሞ ሌላ ምሬት። እንዲያው እነዚህ የአገራችን ፖለቲከኞች!!!! ውይ ውይ ውይ!! ልክ ስምና አቋም እንደሌላቸው ሁሉ በደምሳሳው ሁሉንም ደፍጥጠን በጅምላ እንሰድባቸዋልን። ሦስተኛ ምሬት ደግሞ አለች። “ለምን አንደማመጥም፣ ልዩነታችንን ተቀብለን አንድ በሚያደርገን ላይ አንሠራም፣ ልዩነት ውበት ነው” ምናምን ምናምን።

ችግሩ ግን የፖለቲካም የፖለቲከኞቹም የልዩነታችንም አይደለም። የምንፈልገውን፣ የምንወደውን እና የምንጠላውን የማናውቅ፣የምንጠላውን የማንቃወም የምንወደውን የማንደግፈው የእኛ ነው ችግሩ።
·         “ይኼ የአገራችን ፖለቲ………ካ!!!!” - ከምንል በይፋ ይኼ ጨፍጫፊ መንግሥት አላኖረን አለ አንልም፤
·   “እንዲያው እነዚህ የአገራችን ፖለቲከኞች!!!!” ከምንል ወታደር እየላኩ የሚጨፈጭፉንን ግፈኞች ስለምናውቃቸው ሕወሐቶች መብታችንን ገፈፉት ማለት አይገባም?
·         “ለምን አንደማመጥም፣ ልዩነታችንን ተቀብለን አንድ በሚያደርገን ላይ አንሠራም …” ከምንል ተቃዋሚዎችን በሙሉ እየቀጠቀጠ ወህኒ ያወረዳቸውን ዘረኛ ፓርቲ ትክክል አይደለህም ማለት አይሻልም?
የምን ቃላትና ትርጉም ማባከን ነው? አካፋውን አካፋ ማለት ነው መፍትሔው። ፕ/ር መስፍንን የምወዳቸው ለዚህ ነው። አረረም መረረም፣ ጣመህም ጎመዘዘህም ፊት ለፊት ነው ንግግራቸው። ነገራችንን ሁሉ ሰምና ወርቅ አድርገን እኛም ምሥጢራችን ያልተገለጠ እንቆቅልሾች ሆነን ቀረን።
ደህና ቢሮ የሌላቸው ፓርቲዎች ሲንገላቱ እያየን ፓርቲዎቹ አቅም እንደሌላቸው እንናገራለን። ለሴቶችና አረጋውያን እንኳን የማያዝኑ ወጠምሻ አግአዚዎች የሚደበድቧቸው ፖለቲከኞች እያሉ እያወቅን “ሰው የለም እኮ” እንላለን። አሁን ከሰሞኑ ፖሊስ ሙስሊም ጾመኞችን እህል ውኃ በማያሰኝ ዱላ ሲቀጠቅጥ እያየን “ፖሊስና ሙስሊሞች ተጋጩ” እንላለን። የ4 ዓመት ልጅ እና የ40ዓመት ጎልማሳ ተደባደቡ ይባላል? ጅቦችና ጥንቸሎች ጦርነት ገጠሙ ቢባል ያስኬዳል? “ፖሊስ ሙስሊሞችን ቀጠቀጠ” ነው ትክክለኛ አገላለጹ እንጂ “ተጋጩ” ብሎ ዜና አይገባኝም። የመረረውን እውነት በቅጡ ማቅረብ ካልቻልን ይኼ ቅኔ ችግራችን መቸም አይፈታም።

2 comments:

The Architect said...

"እኔም ለዚህ ነገር አዋጅ ነጋሪና ሐዋርያ በእምነትና በእውነትም የአሕዛብ አስተማሪ ለመሆን ተሾምሁ፤ እውነት እናገራለሁ፤ አልዋሽም።" 1ጢሞ.2:7

Anonymous said...

Tikikil bilehale wondimea.gin ante yemitilewun ayinet sewu lemehon biyans hulet meseretawi chigroch yinoralu.

1 Ende Daniel kibret hulet ayinet bahri yalachew sewoch mebzat.ende hitsan eshikoko bilo kef-kef yaderegachewun yebeatechrstian agelgilot kesemay betach kelito bemiker neger lewutew yewahun mi-emen endeket yeminedu mehonachew

2 yilugnitachin gedeb metatu.bezihm enezih yand gosa lijoch bezer tebuwadinew yihin hulu gif lemefetsem hilinam hone yiluchta yaligedebachewun egna gin yihin gibir bekalat enkuwan leeglets yilugnta yiyizenal.bezih mehal bemifeter kiftet yiheaw agerina tewuwild eyetefa newu.

endemenesha meftihea,

Esti kezih Alem dilotina ena tikim belay kef yalu tikit Abatoch yebeatechrstian dewol yidewulu ena ebeatu yemikemet kale eniyewu.