Wednesday, September 28, 2016

ብፁዕ አቡነ ፋኑኤል፡- የአገራችንን ሁኔታ በተመለከተ ያስተላለፏቸውና ተገቢውን ሽፋን ያላገኙት መልእክቶቻቸው

ብፁዕ አቡነ ፋኑኤል የዋሺንግተን ዲሲና አካባቢው ሀገረ ስብከት ሊቀ ጳጳስ ናቸው። ወደዚህ የአበው ማዕረግ ከመምጣታቸው በፊት በዋሺንግተን ዲሲ የቅ/ሚካኤልን ቤተ ክርስቲያን አቋቁመው ሲያገለግሉ ነበር። ማዕረግ ጵጵስናን ካገኙ በኋላ ወደ አገር ቤት ተጠርተው በተለያዩ ኃላፊነቶች አገልግለዋል። ከዚያም የዲሲ ሀ/ስብከት ሊቀ ጳጳስ የነበሩት ብፁዕ አቡነ አብርሃም ወደ አገር ቤት ሲጠሩ ቦታውን ተረክበዋል። ርክክቡ በወቅቱ በፈጠራቸው የተለያዩ ችግሮች ምክንያት አለመግባባቶች ተፈጥረው ለረዥም ጊዜ አገልግሎቱ ተጎድቶ የቆየ ቢሆንም በስተመጨረሻ ችግሩ እልባት ሊያገኝ ችሏል። በወቅቱ በነበረው ጉዳይ ብዙዎቻችን በብፁዕ አቡነ ፋኑኤል አካሔድ ባለመደሰታችን ተቃውሟችንን ባገኘነው አጋጣሚ ሁሉ ስንገልጽ ቆይተናል። ያን ጊዜ ተቃውሟችንን በግልጽ እንዳቀረበውነው ሁሉ አሁን ደግሞ በመፈጸም ላይ ባሉት ሕዝብን የማጽናናት፣ «አይዞህ፣ አለሁልህ» የማለት አባታዊ በጎ ተግባር ደስታችንን መግለጽ ይገባናል።

ብፁዕ አቡነ ፋኑኤል የአገራችንን ችግር በተመለከተ በቀጥታ መልእክት ማስተላለፍ ከጀመሩ መቆታቸውን በፌስቡክ ከሚሰራጩ መረጃዎች መገንዘብ ይቻላል። ምእመኑ ጳጉሜን 1፣ 2 እና 3/2008 ዓ.ም በጾምና በጸሎት ተጸምዶ ወደ አምላኩ ምሕላና ልመና እንዲያቀርብ ከማሳሰባቸውም በላይ በሕዝባችን ላይ የሚፈጸመው ግድያ እንዲቆም በይፋ መጠየቃቸውን ከፌስቡክ ቪዲዮዎች መረዳት ይቻላል (Facebook: https://goo.gl/cLiG8v)። ልክ እንደ አቡነ አብርሃም ሁሉም፣ የደመራ ዕለት ባስተላለፉት አባታዊ ትምህርት አሁን ያለው የሕዝብ ሰቆቃ  እንዲያበቃ ተግሳጽ እና መልእክት አስተላልፈዋል (Facebook: https://goo.gl/8TNqyr)። (Youtube: https://goo.gl/yZER86)::

እነዚህ ሁለት የብፁዕነታቸው መልእክቶች ተገቢውን ሽፋን ባለማግኘታቸው ሕዝቡ ሊሰማው ይገባ የነበረውን ማጽናኛ ተነፍጓል ባይ ነኝ። መልእክቱን በማስተላለፍ ሌሎች አባቶችም አርአያነቱን እንዲቀስሙ ማድረግ ያስፈልጋል። ሌሎቹ አባቶቻችን እየተናገሩ ነገር ግን ድምጽ ሊሆናቸው የሚችል ሰው በማጣት ታፍኖ የቀረውን መልእክታቸውን በማስተላለፍ በኩል ሁላችንም ኃላፊነታችንን እንድንወጣ እለምናለሁ። ይኸው ነው።

3 comments:

Anonymous said...

Talking hiding here does not bring that much significant change. He should go to Ethiopia and tell as Abune Abreham did. When they are gathered for the meetings, he did not say any thing- except giving a crown to Abune Matyas. We need to see things from different direction. Hunetaw simech sayihon sew mehon, baltemechem gize new......Minew Ephrem Bisot tikesekisaleh...

Anonymous said...

Another message by Memeher Zeben Lemma during the finding of the true cross (Meseqel) celebration - የኢየሱስ ክርስቶስ መስቀል ከተቀበረበት በክብር ወጥቷል - የተደበቀዉ የኢትዮጵያዊነት ክብር መቼ ነዉ የሚወጣዉ?

https://www.facebook.com/Memeher-Dr-Zebene-Lemma-109009352795285/?hc_ref=NEWSFEED

Anonymous said...

አሉባልተኞችና

Blog Archive